文 / 遥远

　　两个上了年纪个老上海球迷一面看世界杯电视直播，一面对德国队跟阿根廷队个球赛进行评论：

　　甲：实在呒没想到，阿根廷个几个前锋，翻司【卖相】好，派司【传球】好，前几场踢得凡类国特【非常好】，邪气有冠军腔调个。呒没想到搞尔【守门员】让德国队打勒四只洞，实在可惜哦。

　　乙：伊拉主教练马拉多纳重攻轻守勿好，侬看几个打三道【后卫】的，拔勒德国人乱白相，克洛泽一个人哈夫【一半】进两只球。

　　甲：照道理讲，阿根廷队下半场踢了十分钟勿进球，教练就应该噢司开【暂停】，换前锋。

　　乙：是个呀，前锋心理老有问题个，边线浪向带球也会得沙哀【出界】个，只好抱头痛哭，国特拜了【再见】

　　上世纪初，有点“摩登”个上海人喜欢辣讲上海话辰光，插上点英语词语，就像上面搿能。辣下层还有人拿英文个初级词语编成顺口溜唱，如下面一首登在1934年《上海俗语图说》中个洋泾浜色彩个歌诀，括号中是加上个翻译。现在读起来也相当滑稽：来叫克姆【come】去叫【go】，是讲也司【yes】勿讲拿【no】，雪堂雪堂请侬做，翘梯翘梯吃杯茶。当时甚至还出现宁波话读法：钞票麦克麦克【多】，何洛山姆【全部】侪用光。