请侬填上最合适个词语，并各造一个句子：

　　上海方言当中有交关日常俗语，搿搭阿拉列出来10个，请侬填到下面10个句子里向去。再请侬也造10个生动一点个上海话句子，拿搿个10个惯用语分别用辣里向，看啥人造个句子既生动又正确。

　　1．好户头  2.隑牌头  3. 掼浪头  4.垫刀头   5.一帖药  6. 现世报7. 摇铃8.铁板新村 9. 杀搏 10. 有清头

　　1.迭个小囝做事体邪气________，让爷娘放心。

　　2.迭桩事体明明是侬拆个烂污，现在拿我去顶替，侬当我是________啊。

　　3. 阿根辣拉外面狠得勿得了，不过回到屋里，看到伊拉老婆是________，响也勿敢响。

　　4.伊迭个人老精怪个，          ________个事体绝对勿要想。

　　5.阿拉小区个业委会老叶是个老爽气个人，讲闲话________来死，大家侪服帖伊。

　　6.隔壁王阿姨勿晓得碰着啥事体唻，迭两天面孔板得像________，笑也勿笑。

　　7.老王真个是 ________，阿狗阿猫寻伊办事体，伊侪答应个。

　　8.马路浪两部小轿车擦着仔，乃末吵煞。旁边人劝伊拉________，靠边让后面车子走，免得堵塞路面。

　　9.小刚期末考试又是勿及格，伊拉老爸急煞：侬迭只________，为啥勿好好叫读书啊？

　　10.今年阿拉老同学一道过集体生日，聚拉一道交关闹猛，碰着个阿福老酒一吃，就欢喜瞎吹，大家晓得伊又辣海________了。