■ 七荤八素

　　搿道上海闲话题目出得交关促掐，弄得我七荤八素 

　　剑川路 孙景春

　　迭个老头子一歇歇讲要到十六铺，一歇歇讲要到杨树浦，公交车司机拨伊搞得来七荤八素。    曲江路 侯晨轶

　　■十日八夜

　　十一届三中全会带来个改革开放，使得中国发生巨大变化，迭个是十日八夜也讲勿光个。       

　　军工路 季剑平

　　老张勿单单有学问，伊还会得讲故事，一肚皮个故事十日八夜也讲勿光。 

　　月浦镇  丁小兰

　　■ 一生一世

　　小鬼啊！搿个房子是侬爷娘用一生一世个钞票搭侬买个，侬要记牢珍惜啊！    华灵路 沈芷芳

　　■ 一搭一档

　　医院门口头个医托，真个是一搭一档，串通好诱骗侬，大家千万勿要上当。    欧阳路紫荆花园 王磊

　　王汝刚搭仔李九松表演个独脚戏，一搭一档，老噱头个，老老小小侪欢喜看个。 天钥桥路 缪于桢

　　■ 瞎三话四

　　伊吃饱老酒了，讲起闲话是瞎三话四。 宜川五村 唐志新

　　■ 一刮两响

　　新来个叶经理讲过了：同志们只要肯努力、出成绩，年终勿会亏待大家个。闲话是一刮两响，就是勿晓得算数？ 曲江路  侯晨轶

　　老周一刮两响个讲，偷鸡摸狗个事体勿做个！华夏东路  史久正

　　■ 七高八低

　　小区通道改造，请个施工队技术搭僵，水门汀路面是修得七高八低，走路一眼勿适意。赤峰路  邱文达

　　■ 三等四样

　　搿趟深圳大运会，志愿者穿个服装真个好看，有三等四样花颜色。

　　申北路 王念杰

　　■ 投五投六

　　爸爸妈妈侪跟我讲，做事体要有计划，勿要一日到夜投五投六，到头来自家忙啥也勿晓得，一事无成。    国和一村 刘国明

　　■ 搞七廿三

　　侬迭个人一日到夜有事呒事个来搞七廿三，真是烦煞脱了。

　　芳甸路  汪佳明

　　我已经忙得来脚也要揵起来了，侬还要来帮我搞七廿三！

　　钦州路  邵蔚清

　　■ 七歪八牵

　　到底是呒没拜师学艺，做出来个生活有点七歪八牵个。

　　华夏东路  史久正

　　侬自己看看叫，身浪穿得来七歪八牵，像啥样子！管弄路 曹炳昆

　　■ 七勿老三

　　老黄人长得蛮登样个，哪能讲出闲话老是有眼七勿老三个。

　　罗秀路 徐敏豪