打拳

　　乔家爷叔欢喜锻炼身体，和小区几个拳友都混得蛮熟，大家边打边聊。讲到儿女婚事难办，要交关钞票，大家一道叹苦经。

　　老朱讲：“现在小囡还呒没结婚，开口就是房子、车子、戒指，阿拉两个退休格老太婆老头子，辛辛苦苦一辈子，剋下来一点铜钿，哪能买得起房子、车子？”

　　老高讲:“我女儿讲了，男方有房子勿算，女方也要有房子！伊拉要求越高，我老高血压越高！”

　　老钱讲：“我姓钱，没搭钱！人家讲——养一个儿子是建设银行，养两个儿子是农业银行，养三个儿子是光大银行！养一个女儿是工商银行，养两个女儿是招商银行，养三个女儿是浦发银行！侬老高养女儿算额骨头了，侬赚进啦！”

　　请保姆

　　乔家爷叔的儿媳妇生了一个大胖儿子，乔家添丁之喜，开心得勿得了！媳妇上班后，乔家爷叔请保姆带孙子，几年来保姆换了不少，接连一个调一个，统统都是外地人。有苏南苏北、淮南淮北、山东山西、河南河北，还有绍兴、四川、东北、江西、广东……孙子别的本事没学着，南腔北调讲得流利，口语只只正宗。

　　乔家爷叔苦笑：人家小囡从小学英语、日语，阿拉这宝贝孙子只会讲各地方言，算啥名堂？要是滑稽大师姚慕双、周柏春还在世，将来长大了，拜伊拉做先生去唱滑稽倒蛮好！