阿拉外婆六岁辰光白相造房子，

　　弄堂里向水门汀浪粉笔划格子，

　　挨好次序统统写好阿拉伯数字，

　　掼块石头跳来跳去就算造房子。

　　阿拉姆妈六岁辰光白相造房子，

　　幼儿园里拿仔积木搭间新房子，

　　拆拆搭搭搭搭拆拆交关用心思，

　　伊讲将来长大要当建筑工程师。

　　勿到六岁我就会得白相造房子，

　　电脑一开屏幕高头马上画图纸，

　　鼠标点点键盘敲敲再加动脑子，

　　3 D 打印马上出来一幢高房子。