街道两边有两家米粉馆，制作工艺搭仔味道侪不错，服务也蛮周到，搿搭又是大人上班、学生上学个必经之路，所以辣搿搭吃早饭个人总是络绎不绝。

　　看起来两家米粉馆个生意侪勿错，店堂里常常客满。勿过两家店个利润相差勿少，主要原因辣早餐生意浪向。经常到搿搭吃早餐个人侪晓得，假使赶辰光，就去右边搿家店，因为伊拉搿家店个汤勿会太烫，端出来个温度就正好合适，不需要浪费辰光等汤冷下来，吃起来便当。

　　之所以有搿种区别，是因为右边搿爿店个老板辣做生意个辰光发现，每天早浪向到搿搭来吃早饭个人实在太多，因为店堂面积有限，交关客人看到店里客满就走脱了。要想多做生意，就要缩短客人个吃饭辰光。老板想过勿少点子，但是效果勿理想。后来，老板发现最影响客人就餐辰光长短个原因就是米粉个温度，刚刚端上桌个米粉往往是滚烫嗰，客人需要等伊冷下来才能喝，往往要多花5分钟左右，搿能一来就影响了店堂里客人个流动速度。

　　晓得了原因，解决问题就便当交关，搿位老板只是做了一桩勿需要任何投资个事体就让情况得到了改变。伊要求工人每天夜里先烧开一大锅汤，再让伊冷却到合适个温度以后用温控炉保温。第二天煮米粉个辰光配上作料，不加传统工艺个沸水，而是加头天夜里准备好个汤料，让客人立刻就能品尝美味米粉，勿需要再花几分钟等汤水冷却。搿能一来，早浪向店堂里个客人流动果然快了勿少，搿爿店个利润也就相应增加了。

　　一个小小改变就让一家店个生意超过另外一家。两碗味道差勿多个汤，只是因为温度勿一样，体现出来个价值也勿一样。一碗汤，因为寻到自家存在个最佳温度，就能创造出更多财富。

　　其实对阿拉来讲，道理也是差勿多嗰，要想取得成功，就应该寻到适合自己个位置，只要位置摆正了，离成功或许就不远了。