辣旧上海个租界时期，英租界工部局从1862年开始，对现在苏州河、黄浦江、西藏中路、延安东路四围内个区域道路，开始采用以下个路名命名原则：南北向个道路以中国个省份名命名，东西向个道路名以中国个城市名命名。

　　于是在这一地区，从北向南，便出现了四川路、江西路、河南路、山东路、山西路、福建路、浙江路、湖北路、广西路、贵州路、云南路、西藏路等；从东向西，出现了厦门路、北京路、宁波路、天津路、南京路、九江路、汉口路、福州路、北海路等。不过迭个中间，却弄错了一条路名，搿个就是夹垃拉福州路搭北海路之间个“广东路”。按理讲，“广东”属省份，伊个名字应摆垃拉南北向个道路浪，但显然拨拉误摆到了东西向个道路浪了。

　　迭个是哪能一桩事体呢？原来垃拉英语中“Canton”，又可作为“广东”，也可作为“广州”，勿晓得当时嚡里个翻译，垃拉搿搭拿伊译成中文辰光，粗心大意，勿知就里，取大而舍小，拿伊翻译成了“广东”。工部局个外国人虽然定了上述个路名命名原则，但中文毕竟老差，对中国个地理更家讲勿上吃透，乃末稀里糊涂个也就让迭个路名通过了。地名个使用有其相对个延续性、稳定性，也是轻易勿能改动个，乃末搿一错就错用到了今朝，让上海城市表面留下了一个明显个硬伤印记。

　　也许侬要问了：上海后来有勿有一条“广州路”呢？——有个，不过伊勿辣中心区，而是远远地落垃拉了“杨树浦”笃底。

　　大约垃拉上世纪个三十年代上半期，公共租界工部局垃拉现在个杨树浦港搭杨树浦路之间，填小浜辟筑了一条马路，取名为“光州路”。迭条“光州”从字面看，可以有两个含义：一是垃拉我国历史浪南朝个萧梁时期曾置“光州”，但以后废去了，所以对近代来讲，迭个是一个历史地名；二是朝鲜国有个老有名个中央直辖市，叫“光州”。但按照工部局公布个英文名,搿条路是“Kwangchow”，而朝鲜个“光州”英文倒勿是搿个词。所以杨树浦个搿条“光州路”勿会是以朝鲜地名来命名个，而以“光州”搿个中国历史地名来命名搿条马路，垃拉那埃个时期似乎是呒没必要个。最可能个错误又是出现垃拉翻译高头，同样也是粗心大意，勿知就里，应该将其翻译成“广州路”个，却大笔一挥，莫名其妙个拿伊译成了“光州路”。

　　好辣搿个错误以后得到了改正。1943年上海特别市市政府垃拉大举扫荡外国租界里以西方人命名个路名，及大规模个以中国各地地名对伊拉更名个辰光，搿条“光州路”，就以近音被改成了上海滩还呒没个“广州路”。乃末搿条“广州路”路名也就一直延用到了今朝。

　　广州路实在是一条勿起眼的小马路，全长只不过300米左右，宽度即使到今朝，也呒没超过10米。上海的浦西道路多以全国的地名命名，但由于各种历史原因，并不是以国内大城市或闻名的城市名命名的道路，就一定分布在中心区域或城市的主要节点上。这条广州路就是一例。不过，实际上受这样“委屈”的还不止是广州路，在广州路的周围还有扬州路、杭州路、沈阳路等，伊拉侪远远个缩垃拉“杨树浦”边的角落里，即使现在问起一眼“老上海”，伊拉可能也勿晓得搿些小路个所在个位置，以及有关伊拉个历史情况。