“泻泻扶梯”几乎人人小辰光侪白相过，而且几乎呒没勿喜欢个。白相起来往往是刚刚滑下来，反转身来又来煞勿及爬上去，根本停勿下来。家长拉也拉勿走。但是，侬还记得上海话哪能叫个？勿叫“滑滑梯”，而是叫“泻泻扶梯”。“我要白相泻泻扶梯！”泻，音下。人像瀑布一样泻下来，爽！或谓：正字应是《康熙字典》里个那个字，“厂”字头，下面一个“舄”字，意为倾。或可聊备一说。但“滑滑梯”是1922年由一个法国人发明个。阿拉老祖宗先发明一个字辣海伊前头等着，似勿妥。