两个月前，阿舒好勿容易拍着牌照，急吼吼买了部凯迪拉克。马路上，伊横冲直撞、插档逼车“扎台型”。回小区，还勿忘“出风头”：过只弯60码，弄得散步的老人家心惊肉跳。寻着伊，阿舒掼闲话，“我是F1，这叫飘移过弯，就靠技术撑着。”

　　有天夜里，阿舒回来，小区修路，保安朝伊挥手，伊眼皮勿抬，油门支足，一部凯迪拉克碰挡板、磕底盘，成了“铁皮拉忒”。阿舒寻保安，对方指指门口牌子，“前方修路，绕道缓行”。

　　“我是F1，到终点，侬买把格子旗摇摇好口伐？”阿舒喉咙乓乓响。

　　“侬是F1，懂行情口伐？到终点，还要绕场庆祝的，啥人拦得牢？”保安掼出闲话，阿舒迭记闷忒。   俊乙 文 辛遥 图