猪头三——通常用“猪头三”来形容“脚高脚低、呒重呒轻”个人,带有一点骂人个意思。
马屁拍垃马脚浪——想拍马屁,却拍到仔马个脚浪向去了,拨马狠狠个踢一脚。
黄鳝身体滴滴滑——用手是老难捏牢一条滑溜溜个黄鳝个。形容一个人油滑到仔极顶了,就像一条黄鳝,啥人也捏勿牢伊个,捉勿牢伊个任何把柄。
羊毛出辣羊身浪——羊毛出辣羊身浪是指表面高头得到了好处,但实际浪,搿好处是本身就附加辣自家付出个代价里向。
软脚蟹——脚软个蟹,吃起来味道肯定勿哪能。比喻一个人软弱无能,遇到事情只会得退缩或者屈辱。
飞机浪吊大闸蟹,悬空八个脚——做事体呒没分寸,离开事实忒远,或者是牛屄吹得野豁豁。
眼睛一霎,老母鸡变鸭——形容辰光非常短、老快老突然,眼睛眨了眨,鸡就变成了鸭。(比刘谦还结棍嘛,眼睛一霎,老母鸡变鸭)。
长脚鹭鸶——鹭鸶,腿长又细。形容人长得又高又瘦。
瞎猫碰着死老虫——瞎猫也能抓到老鼠?而且不费吹灰之力,运气葛真真是极好,侥幸啊!
猢狲出把戏——耍猴的人手牵一只猴,一面敲锣,猢狲应着锣声打滚“翻筋斗”、“倒挂金钩”等等,以此引起大家个兴趣,讨得赏钱。上海话里一般指看人笑话,有幸灾乐祸个意思。
狗屄倒糟——可以指事体做得勿像样,还可以指老小气个,比如“几块洋钿也勿肯摸出来,勿要介狗屄倒糟好伐……”
上海话里的“动物”几乎可以把十二生肖都囊括了,而且是勿是交关生动形象啊?
又是三天三夜也讲不光个内容,大家可以自家再补充哦。
(选自新民晚报·新民网出品微信“侬好上海”,微信号:helloshanghai2013。传播上海文化,服务上海市民。大城小事,记得第一辰光微信“侬好上海”哦!参与互动,会有惊喜等着侬)