创刊于1957年个《收获》杂志，荟萃了各种流派搭风格,拨拉读者誉为中国当代文学个简写本。刚出版个《收获》2012秋冬卷，隆重推出上海作家金宇澄创作个长篇小说《繁花》，并罕见刊出两位著名评论家及小说家个点评文章。30几万字《繁花》，写活一代上海人，脱口而出个市井闲话，进进出出个上海人腔调，今朝读来，邪气有滋味。除脱上海味道浓之外，伊另外还噱头个是，小说当中附有金宇澄自家手绘个精美插图，看看老马路，读读老路名，真个老扎劲个！如果侬拿上海闲话来念，一定好看。