记得垃拉苏州北寺塔白相个辰光，碰到个北方人，伊问我：前面是什么塔？我回答伊叫“北寺塔”。“什么？‘不是塔’？”北方人有眼搞勿清爽了。我再回答伊：“是北寺塔！”我看伊眼乌子瞪了老大，自说自话讲：明明是塔，怎么会说是“不是塔”呢？哦，迭个辰光我再晓得南方人跟北方人讲个“不是塔”同音，难怪伊听勿懂。我再勿讲清爽恐怕要拔伊吃生活哉，我舌头一卷，搭伊开国语：“北寺塔”是北方的“北”，寺庙的“寺”叫北寺塔”，伊面孔阴转晴了：“俺以为拿我开玩笑了。”

　　各地个人来苏州白相，勿要讲我真个碰到过，随便侬用上海闲话还是苏州闲话搭仔国语讲，听下来侪是讲“不是塔”。?勿相信拿上海闲话讲一遍试试看。