辣上海话里，有交关多个方言极具地方特色，其他地方来个人听了往往不明所以，如堕云里雾里。

　　有一日，我搭仔小区里一个邻居一道去超市购物。迭位邻居已经退休，来上海呒没几天，是个新上海人。挑好商品，去排队等结账个辰光，我看到一个邪气多辰光呒没见面个熟人，于是就招呼了一声，过去聊了几句：“侬好呀！交关辰光呒没看到侬了，买了介许多好吃个东西啊。”“介许多？勿多啊。阿拉屋里人多啊。”“怪勿得。我看搿眼物事已经老多了，对侬来讲就是毛毛雨。”

　　熟人离开后，一道去买物事个邻居对我讲：“你们讲了这么多上海话，我几乎一句都没听懂。特别是什么‘介许多’，很难理解。再加上什么‘勿多’‘人多’‘老多’，听起来‘嘟’声一片，就好像是在乱按汽车喇叭。”原来，上海话里个“多”，所发个音是“嘟”个感觉。“介许多”“人多”“老多”，最后语音侪是“嘟”，听勿懂个人就感觉“嘟”声一片。以“介许多”为例，使用频率相当高。搿个词读音搭仔意思，如果呒没辣辣上海生活、工作个经历，或者来上海辰光太短，确实是老难准确晓得含义个。要是用文字表述，读起来就会有两种读音，一种是普通话个读音（duō），另一种就是上海话个读音（dū），以致搞不清究竟哪种读音才合适。

　　另外，普通话中“很多”一词转换成上海话并非只有“介许多”一个可用，其他还有“老多”“邪气多”“交关多”等，可见上海话个词语是邪气丰富个，而“介许多”词语本身也从一个方面反映出上海话个精彩。