一位曾垃拉上海中百一店工作过个同学讲拨我听过一只笑话。

　　上世纪七八十年代，辣海上海商店里，买末事除钞票外，有种商品侪要付专用券。有一趟，一个外地朋友到伊柜台买一只新产品—气压式暖水瓶，柜台浪个同事用上海腔个普通话搭伊讲：要专用券。迭个外地男子听勿懂上海腔普通话，以为要伊“转一圈”，心里觉着奇怪，不过想想是迭家大商店卖末事个规矩，就等辣原地转了一圈。等转好一圈想买个辰光，营业员还是搭伊讲要“专用券”，伊只好又转了一圈。不过迭位营业员也觉着奇怪，迭个顾客要买物事，勿拿专用券出来，做啥老是等辣辣原地打转。等到伊第三趟要迭个外地顾客拿专用券时，迭个外地人发火了，伊讲勿卖东西拨我，做啥老是要我“转一圈”，双方几乎吵了起来。恰好柜台组长闻声赶来，用比较标准个普通话搭伊交流，对外地顾客作了解释，总算弄清爽啥个事体。