前勿久，随手打开收音机，正巧听到主持人告一些老听众辣讲老上海个俗话、俚语，听到有说“崇明人阿爹”，搿句话是啥意思，经过一番探究了解到，辣江浙沪一带吴语中，“崇明人阿爹”是指勿懂行情，勿领市面，勿晓得市场价格，容易上当个人。

　　老一辈个崇明人称呼父亲为“阿爹”，“崇明人阿爹”也就是崇明人个爸爸。搿句很平常个话，变成一个俚语，还有两个典故。

　　一八四三年上海开埠后，经济迅速发展。精明个崇明人也去上海做生意。一次有个崇明人辣上海办了一批货物，等运回崇明时，发现上海城里人发拨伊个货勿但质量很差，而且根本勿能用。搿个崇明人身体本来就勿好，见到搿批上当个货物后，一口痰卡住喉头，闷住气管，竟一下子气极身亡。家人痛哭不已，几个子女划船来到上海，寻到搿个货主论理交涉，呒没想到迭个人得知老人已去世，勿但勿同情、安慰，反而刁难讲“叫阿爹来呀”“阿爹来，我赔拨伊。”搿个崇明人家属咽不下搿口气，便去衙门打官司。经过庭上双方一番争论，崇明人家属得到了货物个部分赔偿。后来，上海人碰到有人企图拿过时、蹩脚或假货卖拨自己时，就会马上脱口而出“侬当我是崇明人阿爹？”“卖勿脱，卖给崇明人阿爹去”。

　　还有另一说，崇明是个泥沙冲积岛，地势低平。从前由于条件限制，岛浪江堤低矮并且勿牢固，经常受到海潮个侵扰，三年两头受到洪灾。尤其是清光绪三十一年伊次“八月初三大潮没”，更是夺取了很多崇明人个生命，大部分人家个财物被冲了个精光。洪灾过后，许多年长个崇明人划仔小舢板拖儿带女来到上海讨生活，到上海旧货调剂商店买旧货，见到上海人拿屋里一些还能用个东西，随手扔辣外面，崇明人就花很少个钱把搿些东西买回家，物尽其用，重建家园。因为搿些子女随口叫父亲“阿爹、阿爹”，于是，上海人就说把搿些用不着个东西卖拨“崇明人阿爹”。 

　　其实，“崇明人阿爹”是一群长者，伊拉勤劳、质朴、憨厚、惜物。只是后来以讹传讹，成了现在吃亏、上当个代名词。