讲到用啥动物来形容“慢”？估计交关人侪会想到一首名为《蜗牛与黄鹂鸟》个台湾民谣，更会想到其中几句歌词：蜗牛背着那重重的壳呀，一步一步地往上爬。阿树阿上两只黄鹂鸟，阿嘻阿嘻哈哈在笑它，葡萄成熟还早得很哪，现在上来干什么？阿黄阿黄鹂儿不要笑，等我爬上它就成熟了……歌词生动形象，凸显出蜗牛爬得有多慢。勿过，生活中有用“蜗牛爬”来嘲讽行动慢，但一般侪是用辣行走、移动方面，其他类型动作慢倒是不太用得上。

　　上海闲话里有一句“牵丝扳藤”，倒是用来抱怨、责怪、嘲讽各种行动慢个现象与行为。伊个意思相当于普通话中个“磨磨蹭蹭”或“磨洋工”。

　　葛末，“牵丝扳藤”啥地方与“慢”搭界呢？先来说“牵丝”。一般常见个“牵丝”现象无非是桑蚕吐丝结茧，或者蜘蛛吐丝织网，搿两桩事体侪是需要耗费相当长个辰光、进度老慢嗰。

　　再来说“扳藤”。众所周知，“藤”的本义是植物个匍匐茎或攀援茎；藤本植物，例如常青藤、爬山虎、葡萄、黄瓜、丝瓜、扁豆、豇豆等等，可以用细长茎干依附支撑物通过缓慢生长向上攀爬。搿类植物个攀援、延展速度侪有一个特点——侬去盯牢伊看呢，伊好像勿动嗰，生长慢得要死。侬要是隔两天再去看伊，就会发现明显延伸了勿少。

　　拿“牵丝”与“扳藤”连用，不仅可以表示慢、磨蹭、磨洋工，还可以表示不明显、不干脆、不爽快。比如：请伊表演节目，侬看伊牵丝扳藤，一点也不爽气。