辣伦敦奥运会开幕个辰光，我勿禁想起上海港“老码头”周钦良年轻辰光垃拉奥运赛场浪向为国增光个事体，也勾起了我搭仔老人交往个一段难忘回忆。 

　　二十八年前，我垃拉上港六区政治处当党委秘书，组织浪要我负责核查“文革”期间抄家物品并着手发还或赔偿事体。落实政策个名单里有一个已经退休个名叫周钦良个仓库员。 

　　一个赤日炎炎个下半天，我按照地址寻到了位于万航渡路个周家。开门迎接我个是一位风度翩翩、温文尔雅个白发老人。尽管天气炎热又辣辣屋里向，但老人却仍旧衣着端庄，满头银发梳得整整齐齐，伊就是周钦良。听我讲明来意，老人马上热情让座、端茶。谈话里向，老人来勿及提起其他抄家物品，而是急辣要求我帮伊寻回伊拨造反派抄走个几十件奖牌、奖状搭仔奖杯。谈话里晓得，老人从小热爱体育，但垃拉拨外国人称为“东亚病夫”个旧中国，赛场浪洋人趾高气扬，中国选手却屡遭淘汰。搿深深刺痛了伊幼小个心灵。乃末伊练长跑、练竞走，又搭仔同伴一道组织了竞走队。坚持勿懈个锻炼为国增光个志向终于使得年轻个周钦良走上了领奖台。辣1930年举行个上海“万国竞走锦标赛”浪，周钦良获得冠军，伊个竞走队也荣获团体第一名。手捧奖杯个周钦良并呒没就此满足，更呒没停步。伊决心走到奥运赛场去，为祖国争得更大个荣誉。1936年，第11届奥运会垃拉德国柏林举行。已经辣竞走界崭露头角个周钦良接到了参赛通知，随中国代表团出征奥运。就垃这届奥运会浪，虽然中国队惨遭“全军覆没”，吃了一只“大鸭蛋”，但周钦良个竞走却得了个“姿势优美奖”。可惜个是，“文革”当中老人年轻辰光奋力拼搏所获得个几十件奖品拨造反派洗劫一空。老人一直心痛啊，伊希望有朝一日能物归原主，了却自家个心愿。 

　　看我听得入神，老人越讲越兴奋，还特意拿出劫后幸存个照片拨我看。看到照片浪介许多精致个奖牌、奖杯跟当年英姿勃勃正辣竞走个周钦良，我勿禁对眼前搿位白发老人肃然起敬。后来我又曾好几趟去过老人屋里。伊每趟看到我，眼睛里向总怀仔期盼个目光。我深感内疚，因为已呒没办法为老人寻回失去个奖品。我晓得，搿点奖品垃拉老人个心里比性命还宝贵。 

　　现在老人已怀着深深个遗憾而去世。伊个几十件弥足珍贵、足以记载辣中国体育发展史浪向个奖品也永远湮没人间。但老人为中国体育走向世界所做出个贡献将一直留辣大家个心里。 

　　我深深个怀念伊，周钦良——可敬个上海奥运老人！

　　周余愚(1908~1994)，又名周钦良，浙江宁波人。1908年出生于上海，我国早期体育家、著名竞走运动员，三十年代称雄体坛。绰号:“神行太保”。幼年在上海和安小学读书，中学就读于圣约翰附中，又于1926年考入上海沪江大学。 

　　1936年代表中国参加第11届奥运会竞走比赛，排名第23位，获姿势优美奖。