上世纪80年代，我刚上小学。每逢周日下午，只要天气晴朗，爷娘侪会带我去市中心逛半天，一般先去南京西路新华书店看书，再找个饮食店解决晚饭。要是我个测验考试成绩稍微好一眼，还有机会去东海西餐馆吃一顿罗宋汤配香肠夹面包。不过大多数时候，都是去大壶春吃生煎馒头或是去王家沙吃碗菜肉馄饨。有时爷娘心情好，菜肉馄饨还能升级为虾肉馄饨。

　　吃好以后，照例要去人民广场转转。埃歇辰光人民广场还呒没改建，只有一片开阔个空地，并呒没多少能够吸引小朋友个地方。勿过沿西藏路、人民大道一圈个科普橱窗是我最欢喜去个地方。

　　讲是科普橱窗，其实前半段侪是各类厂家或产品个介绍，就像现在个广告。即便如此，辣辣埃个电视机还是稀罕货个时代，能看到搿种广告还是蛮稀奇个。我每次经过搿搭，侪有交关人围观橱窗，其中大家最欢喜看个是服装公司个橱窗，里向侪是各种新出厂个服装。埃歇辰光，既呒没T台秀，也呒没发布会，搿只橱窗就是当年时尚个最前沿。食品橱窗也相当受欢迎，勿少人看过以后就直奔南京东路食品一店或者南京西路三阳盛等老字号去寻“同款”购买。

　　我最喜欢看个是后半段橱窗，搿搭展示个侪是各类新科技、新技术、新产品，展品设计得非常精致，勿仅有各种灯光闪动，还能够动起来。有石油加工设备展示，通过不同灯光的变化显示了整个石油加工的过程；有蒸汽机、汽轮机模型，连杆、阀门侪可以运动，形象展示整个机器个工作过程。其中交通枢纽模型最让我感兴趣，有机场、火车站、码头、立交桥，里向个飞机、火车、轮船、汽车模型侪可以开动，码头浪个吊车能够准确将货物从轮船浪吊下来，装到火车或汽车浪，每次侪让我看得津津有味，百看不厌。回家路浪，我还要和爷娘讨论一番，问伊拉坐飞机、火车、轮船是啥感觉。埃个辰光，绝大多数人很少乘坐火车和轮船，就更加勿要讲飞机了，所以爷娘也只能简单讲一眼。讲到最后，爷娘拍拍我讲，以后侬工作了，有出差机会，到辰光自己体验一下就晓得了。勿过，只有好好读书才有机会噢。我听了，想一想讲，下次考好了，还是先带我去东海西餐馆好了。

　　一晃几十年过去了，人民广场改建了多次，有了漂亮个博物馆和绿地，西藏中路沿线建起了高楼大厦，可以吃饭个地方有上百家，下馆子已经成为平常事。科普橱窗早已不见踪迹，小辰光向往个坐飞机、坐火车、乘轮船侪已经是稀松平常个事体，只有埃歇辰光个快乐永远留辣记忆里。