饼，古代是面食个总称。只要是通过烤和烙制作，都叫炉饼或胡饼。烧饼辣南方叫大饼，北方叫烧饼或火烧，是传统早餐食品。我退休前经常去北京出差，听当地人讲，北京大顺斋个火烧最好。尤其是糖火烧，用精选白面揉入桂花和芝麻油，虽然价钿略贵，但风味独特吃口好，吸引大批吃客排队购买。

　　北方欢喜咸火烧，一般有两种：一种是芝麻酱火烧，用红糖调和芝麻酱，据说有温补作用。还有一种用肉馅，如牛肉饼就用碎牛肉拌葱末、卷心菜作馅，还有驴肉火烧等等。烧饼以火炉烘烤出来嗰为好，用电饼铛烤出来嗰稍次。黄桥烧饼就是用火炉烘烤出来嗰，当年新四军激战黄桥，流传出《黄桥烧饼歌》，让黄桥烧饼闻名远近。

　　最难忘个是辣湖州双林镇吃过个一种烧饼，饼略大，饼皮略薄，旁边油锅里还有臭豆腐。吃个辰光，剖开烧饼，放进三块油氽臭豆腐，再浇上辣火酱、甜面酱，趁热咬一口，舌尖又烫又辣，甜鲜咸辣，还有一股油香，味道邪气灵光。搿种味道用上海闲话讲：老有腔调嗰。