前几天老家个姐姐来了，带来不少桑葚。搿点桑葚侪是家乡产个，颜色紫红、肉头厚、糖分足，酸甜适口。因为不能久放，我当即吃了起来。

　　囡儿面对桑葚一脸茫然，伊竟然不晓得桑葚就是桑树个果子。我笑着对囡儿讲：“侬读过鲁迅个《从百草园到三味书屋》吧！鲁迅辣辣迭篇文章里写道‘不必说碧绿的菜畦，光滑的石井栏，高大的皂荚树，紫红的桑葚’，桑葚辣辣鲁迅个脑海里留下了快乐个记忆，亻那搿眼生活辣辣钢筋混凝土世界里个小朋友，的确少了交关接触大自然个机会。”

　　我老家是一个江南小村，有不少人家养蚕，村前村后种了交关桑树，有些桑树长得比人还高。每逢夏初，青色桑葚就被阳光涂上鲜艳个胭脂红，又经过雨露滋润，变成紫红色的粒滚圆个果子，挂满了桑树枝头，诱惑路人个味蕾。有些桑葚落到地浪向，地上也就变得鲜亮起来了，恰是“殷红莫问何因染，桑果铺成满地诗”。

　　小辰光，阿拉呒没现在小朋友侪有个各种零食，父母也不舍得到商店里为阿拉买水果，桑葚就成了阿拉小朋友侪欢喜个水果。记忆里，落过一场雨以后个桑葚最好吃，表面如同粘了一层蜜，甜得让人咂舌。记得埃个辰光我和小伙伴常常光着脚丫，踩着柔软个沙土，争先恐后采摘桑葚吃。紫红色个桑葚颗颗饱满，粒粒晶莹透亮，吃上一颗，一股清甜顿时辣辣舌尖浪蔓延，一种惬意个感觉立刻流遍全身。勿要看我是女小囡，吃起桑葚来也像男小囡一样狼吞虎咽，一直吃到肚皮里装不落，根本顾不上擦面孔浪向个桑葚汁。

　　小辰光只晓得桑葚好吃，其实辣辣两千多年前，桑葚已经是皇帝御用个补品，又被称为“民间圣果”，不但营养成分十分丰富，而且还具有很高的药用价值，桑葚可以滋阴补血、生津润燥、清肝明目、润肠通便，现代研究表明，桑葚里向有丰富个糖类、有机酸、维生素、矿物质等，具有调节免疫、抗衰老、降血糖血脂等保健作用。

　　听姐姐讲桑葚被医学界誉为“21世纪最佳保健果品”，老家有大片大片个桑树林，每年结个桑葚交交关关，过去呒没啥人关心，现在有人专门收购，然后生产出桑葚酒、桑葚果汁，卖到省城，不少人因此走上富裕道路。

　　对我来讲，桑葚个味道是故乡个味道，小辰光个桑葚是最甜蜜个桑葚，现在故乡个桑树林肯定又已经挂满桑葚了，埃种甜甜个味道不仅承载着我小辰光个快乐，也成为我搿个漂泊辣辣异乡个游子最温馨个记忆。