有段辰光，上海流行一个口头禅叫“掏浆糊”，大概意思是指某人打马虎眼，敷衍别人。个末，“掏浆糊”到底有几种意思呢？

　　仔细想想，“掏浆糊”大致有四种意思，今朝写出来，同大家一道探讨探讨。

　　一种意思是“自谦”之词。比如讲，有人当面赞扬一个人事体做得不错，搿个人往往会谦虚地讲：“呒没啥，掏掏浆糊而已”。

　　还有一种意思是指责别人工作“拆烂污”。比如两个人议论某人工作做得好不好，一个人问：“搿个人生活做得好勿好？”假使得到回答是：“做起生活来只会掏浆糊。”意思就是指某人做工作不认真，不卖力，做得不好。

　　再有一种是“应付应付”。比如，有人传达领导意思，叫一个人去做某桩事体，搿个人觉得迭能做呒没意思，叫伊做个人也有同感，就会讲：“侬掏掏浆糊，交交差算了”。

　　第四种意思是指为人机巧。比如，有人头脑活络，善于应付方方面面。这时就会被人说成：“搿个人浆糊掏得真好。”