休息日脚小八腊子商量游上海，
轧辣一簇堆网页查查地图再翻翻，
我讲侬讲该带伊带幺二三，
立辣旁边动动脑筋勿要发呆，
一条黄浦江浪轮船交交关，
两边要对辰光统统看海关，
三角地老里八早专门买小菜，
四平路过脱同济打弯是复旦，
五角场新造半只大鸭蛋，
陆家嘴东方明珠有爬楼比赛，
七宝古镇老牌羊肉味道邪气崭，
八仙桥排骨年糕鲜是鲜得来，
久光百货上海香港合资一道开，
十里南京路一直朝东就到外滩，
介许多格地方一圈兜过来,
勿得了个车钿侬讲哪能办？
想来想去迭个办法最简单：
十一路无轨电车顶顶省铜板。
