脚踏车撑市面个辰光也就是中国被老外们称作“自行车王国”个辰光。之前计划经济时代脚踏车还要凭票供应，一般人家经济实力也有限，所以勿是大家侪赅得起呢。到了上世纪八十年代中期，随着经济发展，家家人家侪添了脚踏车，当时城市公交上下班又邪气拥挤，脚踏车也就成为大部分上班族个首选，上下班辰光马路浪脚踏车大军浩浩荡荡，“自行车王国”名副其实，搿种景象辣中国最大城市上海尤其显著。但搿样个情况也就持续了十多年，随着城市化进程个加快，地铁个开通、城区个扩张，私家车个放开，脚踏车上下班主要交通工具个地位逐年下降、衰退，侬要让市中心拆迁到周浦、顾村、莘庄个居民再踏了脚踏车到市中心来上班也勿现实，只能大力发展依靠轨道交通。　　   种楠 摄 林庸 文