现在喝牛奶、吃酸奶已是家常便饭，但放到上世纪八十年代，就勿家常、普通了，喝、吃牛奶酸奶可以用上“享用”搿两个字。过去牛奶一直实行配给制，供应量邪气小，订牛奶个除脱医生开证明个特殊病人外，就是新生婴儿头年会每日配一瓶牛奶，到第二年就没得照顾了。所以五六十年代生个人，长到老老大，交交关人对牛奶还非常陌生。老百姓要补充营养就喝点豆浆。牛奶、豆浆营养方面各有所长，但当时大家侪认定牛奶更高级，营养更好，遗憾个是“可望勿可及”。牛奶、奶制品到了改革开放后才逐渐多了起来，最初价格还是双轨制，零卖个比保证供应个订奶要贵。贵了天天吃吃勿起，但难板犒劳一下自家也是必须个。迭张摄于1983年个照片，一男一女两个青年人就是正辣享用酸奶。当时辰光老百姓吃酸奶还非常有新鲜感，连用吸管吸鱼冻样半流质，也当作了一种奇妙、特别个体验。 陆杰 摄  林庸 文