大上海个马路交交关关，绝大多数以各省、直辖市、自治区个省名、市名、区名搭伊拉下头个市、县等个市名县名咾啥命名，像广东路、山东路、广西路、江西路、北京路、天津路、重庆路、新疆路、西藏路、台湾路、香港路、澳门路等等，夜报老早辣拉圆明园路，1982年复刊临时社址辣拉九江路，后首来搬到延安中路，现在辣拉威海路办公。

　　除此以外，上海还有一点马路是以人个姓名命名个，伊拉是革命个志士仁人，历史上个能工巧匠，像中山路搭逸仙路是以国父中山先生个名字命名个，孙中山先生名文字逸仙，市区东北角有条以近代民主革命家黄兴姓名命名个黄兴路，“文革”中曾被改名为宁国北路，以教育家陶行知名字命名个行知路，以明代大科学家徐光启名字命名个光启路，以清代江南水师提督陈化成名字命名个化成路，以无产阶级革命家、东北抗日联军主要领导人杨靖宇名字命名个靖宇路，以无产阶级革命家、陕北革命根据地创建者刘志丹搭谢子长名字命名个志丹路搭子长路，以抗日名将张自忠名字命名个自忠路，四行仓库旁边个晋元路是以8·13战役抗日英雄谢晋元团长个名字命名个，我住辣拉四平路幸福村，四平路解放前叫其美路，是以拨拉中山先生称为民国起义首功之臣、沪军都督陈其美名字命名个，以古代建筑工匠鲁班姓名命名个鲁班路，以造纸术发明人蔡伦姓名命名个蔡伦路，还有毕升路、祖冲之路、张衡路、沈括路、华佗路、李时珍路、李冰路咾啥。

　　浦东开放后，浦东新区出现了好几条以外国个科学家等名字命名个马路，像达尔文路、哥白尼路、牛顿路、伽利略路、哈雷路、居里路、爱迪生路、法拉弟路等等。大上海真称得上海纳百川。