一本唐诗手捧好， 

　　阿爷教我学“春晓”：

　　春天顶会睏煞觉， 

　　早浪还辣苏州跑，

　　耳朵旁边交关吵，

　　原来小鸟对我叫：

　　“太阳已经当空照， 

　　侬还像只偎灶猫。

　　明年就要背书包，

　　搿样定规会迟到！”

　　我讲小鸟勿要笑，

　　夜里风雨勿得了，

　　快点帮我看看叫，

　　恐怕落花有勿少。

　　小鸟对我把头摇：

　　“呒没空帮懒虫跑，

　　啥人叫侬勿起早，

　　自家起来数多少！”

　　好听故事记得牢， 

　　摇头晃脑背“春晓”。