茶叶蛋老早鸡蛋凭票供应时，街浪向是寻勿到摊头买个，改革开放物资供应丰富、放开后，市场浪才冒出照片浪向搿种现煮现卖茶叶蛋个摊贩，大多是一眼呒没正规工作个老阿姨、老爷叔、已退休个阿婆、老伯。当时正规商店呒没茶叶蛋买，迭些小摊贩起个是拾遗补缺作用。茶叶蛋既可当点心，又可做零食，价廉物美，人见人爱，因此交关赚得动，进账勿但大大超过捧铁饭碗个一般上班族，连从事脑力劳动个高工们个工资也及勿上。改革开放大政方针确定后，有勿少类似卖茶叶蛋个小商小贩靠勤劳率先得益，北方有“造原子弹不如卖茶叶蛋，拿手术刀不如拿剃头刀”个说法，上海个版本是“造原子弹勿及卖茶叶蛋，拿手术刀勿如划鳝丝”。小商小贩们无负担，行动迅速，但国营单位具体落实，就需要破解许多错综复杂个难题，于是就出现了“脑体倒挂”现象。但搿也只是一时个情况，历史发展证明，再难，社会错位终会得到纠正。　陆杰 摄  林庸 文