家住本市龙柏新村的老许烟瘾大得勿得了，一天顶起码两包。有人劝伊少抽，伊耸耸肩胛：“倷这就勿懂了，香烟点起来，烊头马上来。”

　　上个星期，几个师兄弟请伊吃饭，饭店明文规定室内是禁烟的，但老许一坐下来，烟瘾就来了。到外头去抽口伐，实在热得吃不消。于是，伊偷偷地点了一支烟，怕服务员发现，吸几口就把夹着香烟的手藏到了餐桌下面。

　　一会儿，一股焦毛味越来越结棍。“啥地方来焦毛味？”几个师兄弟边讲边寻，发现原来是老许手里点着的香烟头把铺在餐桌上的台布烧了一个大洞。幸亏发现得早，没有酿成大祸。老许“烊头”没有点着，反而自掏腰包，赔了店里台布的损失。