5岁个小姑娘宁宁搭阿奶从外头回来，垃拉小区门口碰到了邻居陈阿姨。

　　陈阿姨问伊拉：“宁宁，跟阿奶到啥地方去过啦？”

　　阿奶讲：“带伊到大卖场兜了一圈，后首来到‘麦德龙’去吃炸鸡腿告冰淇淋……”

　　宁宁小嘴巴一翘，讲：“啥个‘麦德龙’？是‘麦当劳’！闲话也讲勿来。”阿奶搭陈阿姨笑了。

　　宁宁告诉陈阿姨：“我跟阿奶来来去去乘个侪是大卖场个‘兔费’班车。”

　　陈阿姨一呆：“‘土匪’班车？”搿个辰光，正好又有一辆大卖场班车经过，陈阿姨看到车子身浪向个大字，屏勿牢笑了：“伊个字勿是‘兔’，比小兔子个‘兔’字少脱一点，读‘免’，是免费班车哦。”宁宁面孔红了，阿奶跟陈阿姨又侪笑了。陈阿姨讲：“好了好了，侬跟阿奶一人讲错一趟，搨鐾（扯平）。”