现在市中心区域侪已是立体交通，倒退二三十年基本是空白。伊辰光火车穿越市区，经过个道口会提前收到信号，然后放下栏杆，行人车辆只好停让。迭张照片是1985年光新路道口火车开过后刚又放行个情景。迭个辰光，火车进出老北站亨八冷打只有共和新路一座旱桥。铁道搭火车站最初位置是城市边缘，对交通影响勿大，但随着城市个发展，市区道口交通拥堵个情况越来越严重。上海人道口碰到火车叫“吃着火车”，有辰光一吃就是几部火车，迭种滋味邪气勿好受，用“吃”字来形容还真是最能体会、表达，最贴切、着地了。 陆杰 摄 林庸 文