昨日我睏了床浪突然想起我个爷爷，每趟想念伊个辰光，我侪会有一个或两个新发现，勒垃我心里，伊已经变成一个更加立体个人。非常奇怪，搿个勿仅归功于记忆，更要归功于伊留下来个搿些物事。

　　跟爷爷共同生活勒垃同一屋檐个岁月里，我始终相信阿拉之间有一种感受是相同的，然后一直延续，伊是温和个存在勒垃空气里个。后来我跟爷爷勿再住垃一道，但现实个感觉勿会这种感受就戛然而止，因为伊勿是实物。

　　伊去世后我去伊个房间，一个床边浪是奶奶个床，我躺勒垃爷爷过去睏过个眠床浪，床已经空了蛮长辰光，翻身看见床头柜浪摆了瓶规规矩矩个小白盒子，搿也是我头一次真切个体会到啥个叫做恍如隔世。我拧开盖头摆到鼻头边浪闻，天花板泛起涟漪，一个五岁个小囡双手捧了小白盒子，毛衣里个静电让伊烦躁勿安，盒子里是润肤霜，搿种味道单单去闻就显得艳丽，但配上爷爷皮肤上本来个味道就恰到好处。我躺勒垃埃搭珍惜个体会着搿种错觉，祈祷伊晚一眼离开。回忆里，挨个辰光个空气是透彻个藏青色，阳光又是橘黄个，伊拉连接勒垃一道，但时光流逝，一旦过去，任何关于搿段感受也就随波逐流个消失勿再，能够让人缅怀个无非是搿些岁月个累计所产生个力量，但是想要寻找，却无从入手。

　　勿晓得为啥爷爷个床头柜会放一瓶已经用完个润肤霜，奶奶把搿个瓶子叫做雪花膏。我想应该是奶奶买回来用个，接着爷爷也跟着用了起来，以至于伊拉房间里这股味道总是停着勿走。爷爷去世后，我去看奶奶，那股味道还是呒没走。奶奶一个人在睡午觉，见我来了也高兴，立刻就起床了，想伸手去开床头柜上的灯，没够着，就对左边的空床说，“喂，你开一下灯。”我站在门口看着奶奶，闻着屋里淡淡个雪花膏味道，一种暖暖个感觉就会流淌出来。知了蝉鸣、阳光雨露、纱窗上结着个灰。记忆个魅力在于当侬处勒垃其中，幻觉也变得真切，有一种亘古不变个稳定，蓦然回首却立刻烟消云散。

　　勿可否认幻觉是生活中勿可或缺个，但伊是需要媒介个。雪花膏个香味配上我爷爷奶奶皮肤个味道，构成了我童年个背景色。