1973年，西哈努克亲王来到上海，提出要在豫园内吃一顿饭。当时正是“文革”期间，一旦有外国人，特别是像西哈努克这样元首级的客人，当时的当权者必定大起忙头。有报道讲，“为了让西哈努克亲王吃到地道的鸡鸭血汤，要求一碗血汤中的鸡卵达到‘三同’标准，即直径相同、色泽相同、形状相同，厨师们只得三下南翔，杀了108只鸡才找到如此高标准的鸡卵。”

　　其实鸡鸭血汤是老平常的一道小吃，记得小辰光，鸡鸭血汤是老城隍庙大殿前摊头浪厢卖的。当时的城隍庙是勿要买票的，从方浜中路大门进去，东侧是“老松盛”，迪家人家的广式春卷、酒酿圆子、八宝饭等招牌产品；而对面西侧“老同春”，面筋百叶双档，堪称一绝。大雄宝殿门口的广场，就是一排点心摊，花色繁多，其中最叫人记牢的就是“鸡鸭血汤”、“烤鱿鱼”。“文革”开始，大殿门前的摊头全部“冲光”，鸡鸭血汤摆到“老松盛”供应（不过那个时候改成革命化的名字，可惜我记勿得了）。

　　不过侬勿要认为一道小点心就交关容易，摊头老板绝对勿会捣糨糊，从进料开始，就要挑选既滑嫩、拿了手里又勿会碎开来的鸡鸭血原料。随后放了几只老大的铝制的桶里厢，用水浸勒嗨，一面还用自来水不断地冲洗，师傅讲格个叫活水，冲过以后勿容易碎。我记得老清爽，地方就勒了大殿“戏台”旁边的楼梯下面。

　　摊头浪厢有一个圆形的大锅，当中一分为二，一边用小火文烧，用来烫血；另外一边用来保温。有客人来了，师傅就到大桶里打（舀）一勺血出来，然后在沸水里烫一烫，再放到隔壁保温炉中。辰光勿要太长，否则鸡鸭血容易老脱。鸡鸭的肚肠、鸡和鸭的肫、肝、心等“时件”，吃个前头先要用盐捏一捏，去油腻、去腥气。

　　当时，鸡鸭血汤分成3分一碗搭5分一碗两种。3分一碗的，就是鸡血、鸭血，再加上鸡鸭肚肠；5分一碗，里厢就加进了鸡和鸭的肫、肝、心等“时件”。特别是到了冷天家，有辰光下半日放学，肚皮饿了，化(花)3分洋钿，坐到摊头的长凳浪厢，吃一碗鸡鸭血汤，褐色的鸡鸭血，配上青翠的葱花，撒上一眼黄色的胡椒，浇上几滴喷香的麻油，热刺潽烫，吃了嘴巴里，随着鸡鸭血勒了舌头搭上腭挤压的作用下，噗一记头化开来，伴随着葱的香、胡椒的辣、麻油的滑，穿过食管咽下去，真是浑身冒汗，适意之极。