上海人老底仔称俄罗斯为罗宋。还保留到今朝个即是罗宋汤，蔬菜浓汤是也。俄罗斯人好酒，名闻天下。戈尔巴乔夫时代个苏联禁酒，当地酒徒吃廉价个香水解馋。伊个辰去过苏联，人群里擦肩而过个壮汉常常有香气袭人个，必定是酒鬼。酒多，酒水糊涂，笑话也多。有一则讲酒鬼被朋友送回家，到了屋里向拉牢朋友介绍新居。“搿个是客厅！”“伊个是饭厅！”“搿个是卧室！”大床上有一男一女睏觉。“搿个女人是我个老婆！”朋友呆脱了：“困勒旁边个是啥人？”醉汉哈哈大笑：“笨蛋！伊个男人当然就是我！”吃饱老酒、走错人家个故事。还有一则。一个喝醉了个大兵碰到了一个喝醉了个军官。当兵个举手敬礼，伊把一个当官个看成了一双：“长官们你们好！”军官醉眼朦胧，拿一个士兵看成一队士兵。伊命令当兵个开步走、朝伊过来。士兵急了：“两位长官分分开，我好从你们当中穿过去……”军官也光火了：“一群傻瓜！你们排成一个纵队不就可以过了吗？”酒文化当中必定浸泡着一连串酒笑话个。酒气醺人。

　　搿个是伏特加版个，我还有身边大曲、二锅头版个笑话。朋友大刘贪杯，总算还记得叫了代驾来护送回家。酒水糊涂了，好容易寻到了小区和车位。代驾走了，伊还没有力道跨出车门，只好打只瞌睡醒醒酒。有人来拍打车窗了，讲大刘占用了伊个固定车位。大刘当然勿领盆：“侬看看清爽，37号车位是我个！阿拉个！”两个人差一点打相打。后来呼来了安保，七搞八搞之后算是弄明白了，是大刘摸错了小区，跑到人家地盘上去了。万幸个是伊呒没撞进人家个房间，把人家个老婆当作自家个老太婆。

　　还有一个酒故事。同事老颜酒驾，拨交警检查到了。伊个年代交通规则还相当松宽，盘查酒驾呒没仪器，只让司机下车来走出一条直线。勿歪歪斜斜就可以混蒙过关。老颜就是勿开步走。警察连连催促。老颜骂山门了：“人民警察同志，我要叫侬一声爷叔了！你好好叫立停当，勿要摇来摇去，勿然我哪能够瞄准侬走出一直线来！”原来就一动勿动个交警笑了：“露马脚了！老酒吃多哉！”老颜当然逃勿过，受罚了。要到现在，伊要进班房去孵脱一个礼拜了。贪杯误事。酒水糊涂闯祸。我个交关朋友告别方向盘，只为还想扳扳小老酒。酒与车，只好选一样。