一炉在眼前摆，一茶自远方来；

　　心中无有忧虑，慢火煮份悠闲。

　　有朋友勿欢喜喝咖啡，但是伊欢喜闻咖啡；每趟经过咖啡店，伊侪要立一歇，闻够就好。假设有朋友约了咖啡店碰头，伊也勿会随大流，就点一杯热巧克力。然后，浸了铺天盖地个咖啡味道里，适适意意茄山河。也有朋友欢喜喝茶，不过，伊只喝某条马路浪向某家茶庄里卖个某种茶。其他茶一律勿碰。

　　本来还会觉着迭种人有点奇葩。最近辣辣一本书里看到一段文字，讲一个和尚请人喝茶。伊认认真真泡，人家木知木觉喝。

　　伊问：茶如何？

　　人家答：勿好意思，勿大懂好坏。

　　结果，和尚讲：“无妨，茶再好，若喝个人不喜欢，那便不是好茶。”

　　想想也是，啥叫好啥交勿好？自家心里觉着好就可以了。春天到了，春茶来了。有空喝茶去。茶要好，心情更加要好。