辣海一百多年之前，有一点上海人为了搭到上海来个外国人交流，开始讲起了洋泾浜英语。 

　　当时上海有条河浜叫洋泾浜，伊是黄浦江格支流，东起黄浦江，西到现在个西藏路。浜个北面是英租界，浜个南面是法租界。1914年，洋泾浜填平造马路，马路名叫爱多亚路，就是今朝个延安东路。因为洋泾浜是英、法租界个交界地，浜个两岸华洋杂居，洋行、教堂分布，西方外交官、商人、海员、传教士出出进进，邪气频繁，商务贸易、文化交流着实兴旺。乃末讲闲话交流成了难题。当地有一眼稍为懂点英语个人就充当起翻译搭导游来哉，当时个名头叫“露天通事”。上海有一首竹枝词，迭能讲：“露天通事另归司，各国人言无不知。出入城厢市井内，用钱先讲后来支。”而不少华人要跟外国人做生意，也只能学几句英语，夹杂一眼上海闲话来跟洋人交流。这种半土半洋、“夹生”的英语就被称做为洋泾浜英语。洋泾浜英语在英语中写作pidgin，意思是混杂英语，翻译过来叫“别琴”。比如Cando？（Can you do this for me？）Pay my hot water.（Get me some hot water.）Whatside？（Where is it？），搿点侪是搿个辰光通用个“洋泾浜语”。后来辣上海，凡是迭桩事体勿正宗、勿地道，侪讥讽为“洋泾浜”。一种是用上海闲话讲英语，譬如拿银元、大洋说成“大拉斯”，钞票多叫“麦克麦克”，没有钞票叫“瘪的生司”，全部叫“搁落三姆”，打扑克牌廿一点叫“圈的混”等等，侪是读英文词读出“洋泾浜”来。有首竹枝词迭能说：“清晨相见谷猫迎，好度由途叙阔情。若不从中肆鬼肆，如何密四叫先生。”另外一种是拿英语当中相近字母拼音个勿同词汇混辣一道用，像纸张、炮弹、关门等垃拉英语当中拼法相差勿是老多，但实际浪并勿相同个，可是辣洋泾浜英语中一概全读成功“若脱”。有一首竹枝词写道：“纸张、炮弹与关门，短字、呼号一例论。五者同声名若脱，何妨一口囫囵吞”。第三种是英语词语用汉语、上海闲话个语法来拿伊拉联缀起来，变成土洋相杂个语言。上海著名滑稽艺术家姚慕双、周柏春曾经演过一段《学英语》个独脚戏，对洋泾浜英语作过夸张个描写，讲小滴子帽子读成“西瓜皮het”，黑个漏空皮鞋读成“black洞洞眼shoes”，两辆汽车在三岔路口香鼻头，撞坏脱，里面个人全部受伤，翻译成：“twomo-torcars在three岔路口kiss，乒碰拍冷打，themeninside统统喔唷哇！”观众听仔会笑痛肚皮。洋泾浜英语是上海向外开放口岸初期出现格一种历史现象。 

　　今朝学生子从小学就开始学英语，中学、大学里更是拿英语列为重要个课程。再也勿讲以前迭种洋泾浜英语了。