B11:星期天夜光杯/上海闲话
     
本版列表新闻
     
2014年09月28日 星期日 放大 缩小 默认   
出窠兄弟、朋友道里
阿仁
  文 图/ 阿仁

  北京人形容与自己从小辣一道白相、一同长大个好朋友为“发小”。依上海人个讲法,搿样子个朋友叫“出窠兄弟”。还是相当生动个,从一只窠里孵出来个、情同手足个朋友当然可以拜为兄弟。好像有点重男轻女,只有出窠兄弟,还呒没听到过出窠姐妹。我个出窠兄弟里是有交关女同学个。阿拉是从一个小学里走出来个。学堂个旧名称是磐石私立小学,新校名是卢湾区重庆南路第二小学。简称,重二。经过半个多世纪个变迁,重二变成过中学,又变成过聋哑人学校。最后退出历史舞台,只有老个教育楼还矗立辣重庆路上。人去楼空了。出窠兄弟姐妹几十年里一直呒没间断过联系。常常碰头个有十几个,重大节日可以聚起几十个。前一个重大节日是兄弟姐妹大家都60岁了。大家一道来吃生日蛋糕唱生日歌。上一个重大节日是相互之间已经认识60年了。也就是讲,大家跨进同一所小学一道读书有了一个甲子个岁月了。大家都活到67岁了。下一个重大节日是出窠兄弟姐妹一道来做70大寿。出席要胸佩官方派司,证件即是“老人卡”。最佳方案是去公交公司借一部拉卡机放在门口,进门请拉卡,机器响了方才可以登堂入室吃碗长寿面。

  别人家最惊叹个是阿拉个小学同学会竟然可以集合起大半个班级。窍门是必须培养推举出一个联络副官“栾平栾副官”。伊要尽心尽力搜集情报绘制出一份联络图。啥人动迁了,啥人搬场了,啥人出国了,啥人还乡。还有叫人伤心个资讯——啥人走脱了。毕竟勿会人人都可以长命百岁个。我最怕麻烦、最怕记人头。但我最习惯做督促大员。我年年岁岁督促栾副官、让伊勿敢有一丝偷懒个功夫。由此一旦吹响集合号,就是孵辣美国过日脚个同学也一定会飞回上海来。

  走上社会结识个朋友,上海闲话称搿样个交往为“朋友道里”。一个人个一生会有交交关关朋友道里。数量最多个朋友道里当然是同一单位里个同事了。大家8个钟头一道共事,关系勿会亚于家人亲戚。质量最高个朋友道里肯定是同过患难,甚至共过生死个同志了。上海人把搿样个生死之交称作为可以割脱头爿个朋友。有搿样朋友个人一定是经历过风风雨雨磨难、人生经历折腾曲折个脚色了。要是一生太平,无虑无愁,有一群出窠兄弟,有一堆朋友道里,搿也就是福气十足了。

     
放大 缩小 默认   
   第A01版:一版要闻
   第A02版:要闻
   第A03版:读者之声
   第A04版:上海新闻
   第A05版:中国新闻
   第A06版:文娱新闻
   第A07版:新民资讯
   第A08版:上海花城·“老凤祥”2014都市森林狂欢节特别报道
   第A09版:上海花城·“老凤祥”2014都市森林狂欢节特别报道
   第A10版:国际新闻
   第A11版:第17届亚运会特别报道(9.19-10.4)
   第A12版:第17届亚运会特别报道(9.19-10.4)
   第A13版:体育新闻
   第A14版:第17届亚运会特别报道
   第A15版:新闻面对面
   第A16版:一周新闻人物
   第A17版:新视界
   第A18版:新视界
   第A19版:广告
   第A20版:新民图视绘
   第A21版:新民图视绘
   第A22版:文娱新闻
   第A23版:文娱新闻
   第A24版:家装专版
   第B01版:星期天夜光杯
   第B02版:读书/星期天夜光杯
   第B03版:星期天夜光杯/夜光杯
   第B04版:夜光杯/星期天夜光杯
   第B05版:星期天夜光杯/阅读·连载
   第B06版:都市专栏/星期天夜光杯
   第B07版:星期天夜光杯/记忆
   第B08版:家装专版
   第B09版:家装专版
   第B10版:百姓纪事/星期天夜光杯
   第B11版:星期天夜光杯/上海闲话
   第B12版:上海珍档/星期天夜光杯
   第B13版:金色池塘
   第B14版:晚晴风景/金色池塘
   第B15版:金色池塘/长命百岁
   第B16版:新民教育/招生培训
迭个一座庙啊
清官海瑞
太阳雨
七簇星
出窠兄弟、朋友道里
“呜哩吗哩”
新民晚报星期天夜光杯/上海闲话B11出窠兄弟、朋友道里 2014-09-28 2 2014年09月28日 星期日