“点赞”，最早是网络行为，辣微博或博客上看到好文章，阿拉常常辣文章末尾处个“赞”字上点一下，以表达阿拉个赞许，也帮助博主积累人气。逐渐逐渐，被大家延用到生活中来，用来赞扬人和事，比如为某某人个勇敢行为“点一个赞”，等等。

　　其实，上海方言中，赞扬事物早就用“赞”字，比如衣服个款式，颜色很好，或者食物个味道很爽口，上海人常常会说“赞”，情绪强烈一点个，则说“老赞”个！现在很多上海个年轻人也常常“赞”勿绝口！但是，伊拉勿知道个是，上海话个“赞”个读音，告普通话勿一样，读【ze】，可能，伊拉更想勿到搿是个古字，应该写为女字旁加个赞字，辣《说文解字》中解释为“形容女子个面容白皙姣好”。后来被沿用到上海方言中形容事物个美好！

　　可见，上海，虽然是海纳百川，中西文化兼收并蓄个现代化城市，也是有着深厚个中华文化传承个！