我出生辣辣淮海中路嵩山路口个大安里，之后辣辣搿搭生活了四十几年，一直到上世纪九十年代初才被动迁。现在个香港广场北楼就是当年大安里个位置。

　　大安里是一条新式里弄，一条弄堂贯通两条大马路，一头出口辣辣淮海中路，门牌号头是淮海中路270弄，另外一个出口辣辣金陵中路，门牌号头是金陵中路269弄。因此弄堂里有两套门牌号头，譬如我家是淮海中路270弄2号，而我同班同学胡光明家则是金陵中路269弄4号。

　　记得少年时代个有趣事情颇多，今天先讲一件。

　　我就读于新城隍庙连云路口个金陵西路第一小学，这条弄堂里与我同龄个小朋友侪辣辣迭个学堂读书。

　　屋里门牌号是淮海中路个小朋友侪习惯把靠近淮海中路个弄堂叫做“前弄堂”，把靠近金陵中路个弄堂叫做“后弄堂”。屋里门牌号是金陵中路个小朋友对“前后弄堂”个说法则正好相反。故事就因此而发生。

　　我当时是少先队个中队长，胡光明是小队长，我们俩在一个小队。有一次搞小队活动，约好礼拜天上午八点钟集合，去延安路个自然博物馆参观。礼拜六放学个时候，胡光明通知大家，明天早上八点钟前弄堂口集合，不要迟到。未及细问，大家回答晓得啦。

　　到了礼拜天早上，我和小宝、小飞、阿珍、阿英等六七个小朋友，七点半就到弄堂口等候，谁知等啊等啊，胡光明等人一个也没有来。当时小朋友们侪呒没手表，我就叫小飞到隔壁烟纸店看看辰光。一歇歇小飞回来讲，已经八点一刻多啦！我晓得胡光明平常很守时个。到底哪能桩事体呢？

　　还是阿英头脑活络，伊忽然想到，会不会其他小朋友等辣辣后弄堂口？对呀，阿拉辣辣阿拉个前弄堂等，伊拉辣辣伊拉个前弄堂等，两个前弄堂，等到明朝也是等不到呀！

　　我率队向金陵路弄堂口走去，一抬脚，只见远远个，胡光明也带了一帮小朋友向我们走来……两队人辣辣弄堂中间会师，胡光明憨憨一笑：“怪我没有讲清爽，浪费大家半个钟头！”

　　那天，虽说晚了半个小时到自然博物馆，但是大家参观个辰光侪十分认真，有好几个小朋友拿出纸笔做笔记，因为老师布置过，回去是要写一篇作文，谈谈参观个收获和体会。

　　几十年过去了，当年个小朋友侪已经变成了古稀老人，偶然路上相遇一起喝茶聊天，有时还会争论到底啥人家是前弄堂啥人家是后弄堂。答案不重要，重要个是怀旧个心情。