现在假使拨人家叫一声老克勒，交关人侪会蛮得意，觉得自家档次蛮高，实际浪并勿是搿样子，主要是对老克勒个涵义勿清楚。记得有一位资深报人，懂得京昆评弹，又深谙各种文化娱乐，就称他为老克勒，老先生大不以为然，认为看轻伊了。

　　“老克勒”到底是啥涵义，一般人不甚了了。有人讲看上去有点修养，衣着时尚，又懂点文艺，会白相，都冠以老克勒，尊重里似乎又有点嘲讽。

　　记得一次参加海派文化研究中心个年会，会议间歇闲聊时，一个中年作家讲，老克勒解放前就有迭种叫法了，而且带点贬义，伊举例讲一个人乘三轮车少付铜钿，就被斥为：迭个人是“老克勒”，当时居然有人附和。

　　其实“老克勒”迭个称呼是解放后才有个，跟解放前个“小开”“白相人”是两码事。笔者算是老上海，经历过老克勒风行一时个光景，也曾被一些单同事戏称老克勒，当时心里向交关勿爽。

　　屋里向有本1999年版个《上海掌故词典》，里向就有“老克勒”一词，注释是：一般指精于社会各种道行和文体娱乐活动的人。不过，笔者对其中个“精于”两字持异议，认为仅仅是“懂一点”而已。“老克勒”一词曾流行于上世纪六十年代初到七十年代初，眼下有时还能听到。

　　“老克勒”中“老”是前缀词，就像老王老张一样。“克勒”开始又叫“克拉斯”，是英语CLASS个音译，表示某种级别。CLASS在英语中又解释为上层社会阶级，因而对家庭条件比较优渥，穿着打扮比较光鲜时髦，讲究生活质量和品位，或者善于社会交际个中老年男子，就会称他“老克勒”。当然也有人自称“老克勒”，有人冒充“老克勒”。

　　后来“老克勒”又演变为“老懂经”“老狄克”等等，意思差勿多。所谓“懂经”，也只是指白相经，知识层面勿高。难怪本文开头讲个老先生对别人叫伊“老克勒”反感。

　　总之“老克勒”勿是产生在解放前，勿带有明显贬义，但也勿算是尊称。时下有个文化沙龙论坛叫“克勒门”，是高层次高品位个文学艺术之门，门里向侪是受公众欢迎、有成就个作家、画家、音乐家和表演艺术家，但伊拉侪是有真本事个，绝勿是“老克勒”。