A25:星期天夜光杯/上海闲话
     
本版列表新闻
     
2017年09月17日 星期日 放大 缩小 默认   
夜里向个叫卖声催我懂事体
潘庆云
  文 / 潘庆云

  前两日整理图书,寻到一本五十年代出个《鲁迅全集》第6卷,正好翻着《弄堂生意古今谈》。先生讲辣拉三十年代初,闸北一带弄堂内外有“薏米杏仁莲心粥!”“玫瑰白糖伦教糕!”“虾肉馄饨面!”“五香茶叶蛋!”等等叫卖声。

  其实,辣拉五十年代初我蛮小个辰光,常常听见叫卖声(到现在也忘记勿脱)正好也辣拉闸北(现在是静安区)。阿拉爷从小辣拉上海做工,不过一家门侪从老家浙江兰溪到上海来,是辣拉1953年春节以后。那年我虚岁十一,辣拉兰溪已经读好四年级。过好年到上海想转五年级。结果因为两个地方春季、秋季班有差别,教材也不一样,上海公立小学少,私校读不起,我只好暂时休学在家。

  不读书,当然就呒没小伙伴,我像一只孤单失群个小鸟,整天闷闷不乐,人也变得呆敦敦个。搿能介下去,我也勿晓得哪能办!

  伊个辰光,刚刚解放三、四年,离开抗战胜利也不过七、八年,上海个经济还没恢复,全国各地又有大量人口嗡进上海,所以当时像闸北这种拨日本人炸光、烧光过个地区,居住条件蹩脚,一般老百姓勤快、朴实、但是日脚侪过得不大好。

  当时阿拉一家门,住拉沿马路一幢简易两层木楼房个底楼,同一幢楼里还有好几户人家,大家讲闲话个口音侪勿一样。日里向,附近其他人家忙忙碌碌,做生活过日脚。一到夜里,煤油灯昏暗,但邪气安静。伊个辰光,夏天也呒没现在介热,为了省电费,电风扇也基本不开,大家都会在弄堂里乘风凉。迭个辰光,经常会从远处传来叫卖声——“栀子花啊白兰花!”声音清脆软糯,不过又拌了几分苍凉无奈,是一个带苏州口音个大姐姐的嗓音。声音由远而近,又慢慢交个走远。等一歇,又是一个男人个声音:“檀香橄榄哟买橄榄”悠长,深邃,穿透了我个心肺!辣拉暑气散脱、万籁俱寂个夜里向,这种叫卖声让我想得老多了!

  阿拉爷工资勿高,养不起一家门六、七个人,我大阿姐十八九岁就嫁了人,阿哥十四、五岁就出去打工,我下头还有二个弟弟、一个妹妹。我想想自家也半大不小了,应当晓得做人不容易,不好再胡里糊涂过日脚,我要对得起自家个爹爹、姆妈、阿姐、阿哥,还要带好阿弟阿妹。

  我请阿哥帮我买来上海个小学语文、数学辣啥个课本,天天一个人读、写,还练毛笔字,做数学四则应用题,不懂个地方就问阿哥,问周围邻居当中个高小、初中生……人也重新开朗活泼了。第二年,我考进新成区(现在个静安区)个一所完小个五年级。因为读书用功,肯帮助同学,大家选我做少先队中队长。又过了两年考进中学,当了班长和少先队大队主席,评上了三好学生。

  时至今日,六十多年过去了,我个伲子早已成家立业,孙囡也早就参加少先队了。不过,我仍旧经常会想起当年听到个叫卖声,因为就是迭种声音让我警醒,催我奋发图强、冬事体,才能日脚越过越好。

     
放大 缩小 默认   
   第A01版:一版要闻
   第A02版:要闻
   第A03版:要闻
   第A04版:阅读上海100胜78
   第A05版:上海新闻
   第A06版:郊野大地
   第A07版:国际新闻
   第A08版:赛事/新民印象
   第A09版:赛事/新民印象
   第A10版:新视界
   第A11版:新视界
   第A12版:文体汇
   第A13版:文体汇/动态
   第A14版:聚焦/文体汇
   第A15版:文体汇/人物
   第A16版:广告
   第A17版:星期天夜光杯
   第A18版:读书/星期天夜光杯
   第A19版:星期天夜光杯/夜光杯
   第A20版:夜光杯/星期天夜光杯
   第A21版:星期天夜光杯/记忆
   第A22版:上海珍档/星期天夜光杯
   第A23版:星期天夜光杯/新智
   第A24版:百姓纪事/星期天夜光杯
   第A25版:星期天夜光杯/上海闲话
   第A26版:快乐作文/星期天夜光杯
   第A27版:康健园
   第A28版:健康养生/康健园
   第A29版:金色池塘
   第A30版:晚晴风景/金色池塘
   第A31版:金色池塘/长命百岁
   第A32版:银发社区/金色池塘
夜里向个叫卖声催我懂事体
上海闲话好白相
从“看冷潽”侬看出点啥
记忆里个中国第一高塔
周建国沪谚熟语印
交关老物事看勿到了
新民晚报星期天夜光杯/上海闲话A25夜里向个叫卖声催我懂事体 2017-09-17 2 2017年09月17日 星期日