老早底地处今朝沪西个李灇泾蜿蜒十余里，北通吴淞江，南连肇嘉浜、蒲汇塘。北宋到南宋年间，垃拉河道个两岸先后建起了“法华禅寺”告“观音慈报禅院”，朝后末人口加快朝搿一带迁集，周围个居民聚落慢慢叫形成。到明代中叶，跟牢松江地区经济走向兴盛，搿搭终于形成市镇。因法华禅寺历史久远，远近闻名，镇名也就叫“法华”，迭个李灇泾也因而另有了“法华港”、“法华浜”个名称。

　　法华镇街市东西绵亘3里，以法华寺为中心，分为东镇西镇。镇浪民居鳞次栉比，屋瓦如云。富商大户垃拉镇浪争相营建宅第、园林。宅第以“王家厅”、“棣鄂堂”、“嘉荫堂”顶为出色，名园有东园、南园、西园、北园四个园，侪莳花栽木，精构细筑。而且宅第搭园林中多栽植了牡丹，成为法华镇个一大特色。像西镇个“香花草堂”有镇浪顶名贵个一株“清河白花”，清纯凝寒，花朵硕大，艳冠群芳。法华牡丹之盛使得游屐纷至沓来。每当花开季节，四面八方个人侪争相来欣赏花中之王个国色天香：“富贵原推第一花，中州佳种更堪夸。每逢谷雨春和候，只听人人说‘法华’。”

　　近代以后，古镇个风貌搭地位受到了根本性个冲击。一是法华系上海县城搭太湖流域腹地之间个重要通道之一，垃拉近代频繁的兵燹战火中，勿免成了交战者个必经之地。上海小刀会起义、太平军东征上海、江浙齐卢之战、“八一三事变”等等，勿断个摧折了古镇个精华搭繁荣。二是上海近郊个城市化引起了城市格局个大变。垃拉法华镇个南北方向先后崛起了徐家汇镇和曹家渡镇，两者新兴气象势勿可挡，使夹垃当中横里个法华勿仅相形见绌，而且伊存在已经无关紧要了。李灇泾是密集个居民区，有勿少小型个工厂夹杂垃拉当中。长期个排污、勿予疏浚及搭建，使得河道垃圾漂浮、淤缩日重，成了一条既呒没水利又勿能洗用个“臭水浜”。1958年，长宁区政府下定决心，全线填没镇浪河道。还垃拉伊高头拓宽建造了通镇干路“法华镇路”。从上世纪末，法华镇路两侧矮屋拆脱了，高楼拔地而起，弯曲个道路路形还辣海，“法华镇路”个路名依然放光彩，迭些仍可让阿拉去漫步寻踪，去追怀和想象法华古镇当年个风光岁月，而且对地方历史搭文化个怀旧情结得到些许个满足。