我早在抗战之前就辣上海读高中，伊辰光对戏曲毫无兴趣，只看电影、话剧。1949年，上海解放，我进了上海市军管会文艺处工作，辣剧艺室主要分工锡剧，但其他剧种个重要演出也都观摩，搿时才发现相比上海话个原来面貌，当时社会生活中个上海话有天壤之别。

　　应该说，当时一般个沪剧演出，语言上已经缺少乡土色彩了，因为无论编剧、演员，有勿少是浙江人、江苏人，经常请名导演例如张骏祥等，更是一口标准个普通话，语言上保存原汁原味已勿可能。

　　除了日常演员之外，后来华东文化部、上海市文化局注意到了搿个问题，曾经组织了好几次沪剧本滩时期、申曲时期个剧目演出，使我听到了比我当时读高中时更道地个上海话。《绣荷包》《陆酒鬼》《女看灯》《游码头》等等都属于搿一类，勿仅听到了地道个上海话，也知道了十九世纪上海当地人个某些生活方式。

　　到了上世纪六十年代前后，成立了上海市传统剧目整理委员会，搿一类个演出更多了一些。1959年，开始收购、整理、出版《上海市传统剧目汇编》，我也是主要工作人员之一。和上海文艺出版社具体联系个也是我，最早孔另境搭我联系，后来是顾伦。留拨我印象最深个沪剧剧目是《阿必大回娘家》，石筱英演出个次数最多，例如雌老虎个一段台词：

　　侬逃！（追打，必大跳）侬倒跳得登样来，京班戏缺少侬迭个跳虫，阿要我来跳拨侬看（跳介）。侬死人害人，害我跌一跤。哎唷！我屁股碎了。侬搭我看，阿有缝，路路有？

　　“登样”就是“像样”，现在上海土生土长个年轻人也勿讲了。“京班戏”个称谓也十分值得重视。京剧、京戏个提法的确很晏【e】。大概1980年前后，上海艺术研究所个朱建明发现最早使用“京戏”称谓个是清末民初《申报》上个一篇文章。而辣日常生活中，北伐之前，上海人一直称之为京班戏，或大京班。

　　“跳虫”辣搿搭是简称，当时有人走路较快，而且勿太平稳个话，就被称之为“跳老虫”，“老虫”是指老鼠。

　　“死人”，有时是骂人，但更多个是爱称昵称，情人之间、夫妻之间打情骂俏常常称对方为“死人”。也有“活死人”搿一词汇，都用于骂人，指勿动脑筋，勿勤劳，勿灵活个人。“缝路”一词，辣搿搭被拆开来单独各用一字了。

　　还有一段话十分有趣：

　　阿必大：婆阿妈，茶叶亦呒没。

　　雌老虎：茶叶呒没，光伊二棒柱。

　　阿必大：吃勿消格！

　　雌老虎：不是，伲乡下头叫棒柱茶，就是夏枯草。

　　“棒柱”，迭个是汏衣裳时用个较短而扁平个木棍子，衣裳用皂荚浸泡后，就到河浜边上石板砌成的码头上用棒柱不停个敲打，然后再下水漂洗。至于夏枯草，则是十分出名个中草药，多年生草本，茎方形，花唇形，夏初开花，盛夏开始枯萎，性寒，治疗眩晕等疾病，现在多种中成药仍旧用作原料。恐怕上海土生土长个中医也勿一定晓得夏枯草土名棒柱茶吧！

　　我个研究专业是古典文学、古典戏曲，以《西厢记》《牡丹亭》《桃花扇》为重点，而今保存上海方言成了当务之急，我想到了沪剧本滩时期、申曲时期许多剧目是一座蕴藏丰实个矿山，因为演出时观众踊跃，且通过广播，进入千家万户，影响广泛，可以说是沪语经典。特提出来，勿晓得研究上海方言个学者以为然否？