A23:星期天夜光杯/上海闲话
     
本版列表新闻
     
2018年01月21日 星期日 放大 缩小 默认   
石库门里开家庭音乐会
裴天蓉
  文 / 裴天蓉

  阿拉小辰光蛮喜欢走亲戚,爷娘一讲到亲戚屋里去白相,就开心得不得了。亲戚里向有爷娘个兄弟姐妹,也有爷娘个长辈。如果去关系比较远个亲戚屋里,一般就只是去坐坐,勿会留下来吃饭。小辰光不懂事体,觉得不吃饭就呒没啥意思啦。每趟出门走亲戚,就希望能吃顿饭,当然能吃两顿就更加好了,白相辰光长呀。

  伊个辰光,阿拉已经小学高年级了,爷娘有辰光会差阿拉到亲戚家里送东西,大概就是去送礼。有一趟,阿爸陪我去老西门见一家远房亲戚,是阿爸个长辈,我叫伊阿娘。阿爸带我去就是为了下趟可以让我去送东西。阿娘住在一条大弄堂里,里向侪是有黑色大门个石库门房子。我用力推开大门,就看到一个天井。因为天热,阿娘就在天井里招待我们,离开时,我记牢了搿扇黑大门。

  过了一个礼拜,我一个人去送东西,结果七转八转走错了路,走到了另外一个与阿娘家差不多个房子外。这时,里面传出了叮叮咚咚个琴声,特别好听,我推门进去一看,里面人侪不认识,一个小朋友和我差不多大,正在敲扬琴,我怕人家赶我,刚要转身走。一个阿姨轻轻搭我讲,阿拉开家庭音乐会,侬坐下来一道参加好了。

  听到音乐会,我老好奇了,就坐下来听,忘记脱要去送东西了。接下来有人唱歌了,是我老欢喜听个《手拿碟儿敲起来》,我还跟着曲调一起哼唱。阿姨问我侬会唱歌吗?我连忙摇头,后来又看到拉小提琴,还有人拉二胡……看得我老过瘾个。阿姨告诉我,伊拉侪是音乐爱好者,侪住了附近弄堂里,自家组织个。

  从石库门出来天也暗了,我索性回家去了。我是下午从家里出来的。我想下次再去送,脑子里冒出好几只歌,下次也要去唱。到了屋里,姆妈问我,天黑回来是不是在阿娘屋里吃饭啦?我讲,搿条弄堂里房子侪一样,侪是黑大门,寻不到呀。姆妈看到我手里一只袋袋还拎勒嗨就光火了,讲寻不到还去了噶许多辰光啊?被姆妈骂了一顿,从此再也不让我去送东西了。

  许多年过去了,我长大了,老西门搿条弄堂里个房子也早就拆掉了。这些年,我看过许多场音乐会,大多数音乐会看过就忘记了,反而经常会想起搿场石库门里个家庭音乐会。

     
放大 缩小 默认   
   第A01版:一版要闻
   第A02版:要闻
   第A03版:要闻
   第A04版:上海新闻
   第A05版:国际新闻
   第A06版:展望2018 特别策划(一)
   第A07版:展望2018 特别策划(一)
   第A08版:文体汇
   第A09版:文体汇/动态
   第A10版:人物/文体汇
   第A11版:文体汇/聚焦
   第A12版:展馆/新民印象
   第A13版:展馆/新民印象
   第A14版:专版
   第A15版:星期天夜光杯
   第A16版:读书/星期天夜光杯
   第A17版:星期天夜光杯/夜光杯
   第A18版:夜光杯/星期天夜光杯
   第A19版:星期天夜光杯/记忆
   第A20版:纪实/星期天夜光杯
   第A21版:星期天夜光杯/新智
   第A22版:上海珍档/星期天夜光杯
   第A23版:星期天夜光杯/上海闲话
   第A24版:快乐作文/星期天夜光杯
周建国 沪谚熟语印
吃瓜群众开心就好
被横头
上海话里个“腔”和“调”
沪语姓氏有特别讲法
磨刀捉稻到田中
石库门里开家庭音乐会
新民晚报星期天夜光杯/上海闲话A23石库门里开家庭音乐会 2018-01-21 2 2018年01月21日 星期日