上海话里有“脚高脚低”个讲法。勿过，迭个“脚高脚低”勿是指因脚有残疾，走路勿平衡，使得走路看起来“脚高脚低”，而是指某个人讲话呒没信用，一句进、一句出。

　　阿拉侪晓得，“进”与“出”是两种相反个行为，“高”与“低”同样存在矛盾。上海话用“脚高脚低”来形容某人“讲话一句进一句出”就是迭个意思。

　　与“脚高脚低”有相似意思个上海闲话还有“脱头落攀”。勿过，“脚高脚低”常常用辣讲闲话上头，“脱头落攀”不但可以用辣讲闲话浪向，还可以用辣做事体上头，比如可以用“脱头落攀”来形容某人办事不靠谱——张三迭个人做起事体来总归脱头落攀。

　　辣上海闲话里，讲某人“脚高脚低”“脱头落攀”，与北方人讲某人“口无遮拦”“有些二”差勿多，两个词侪含贬义。

　　另外，上海话讲某人“戆头戆脑”“戆嘘嘘”，意思与北方人讲某人“傻呼呼”差勿多。