人民广场旁边个江阴路辣1979年9月被辟作专业花鸟市场，并迅速成为全国一只鼎个花鸟市场。因是小马路，整个市场像是镶嵌辣弄堂里一样，从搿头走到另一头，就赛过摸了一遍“九龙壁”。老早辰光去白相，每个摊头都想停留一下，拿整盆个金金鱼都看个够才好。当年个人侪蛮有闲情逸致，经典个形象就是摊主搬张小竹椅坐辣路边，面前一字排开几个搪瓷面盆，分别养上不同品相个金金鱼，然后坐等玩家们来把玩。买家卖家心态都很放松。2001年9月，搿个花鸟市场移地黄家阙路，此地重归平淡，空荡荡个马路只有留下二十来家店铺，可能伊拉是有“立升”，所以屹立勿倒。