上世纪七八十年代住在石库门楼里的人最怕就是过夏天了，苍蝇蚊子蟑螂老鼠还是小事，关键是人。

　　石库门楼房原本是按照一家人独用设计个，现在要分畀四五家合用，每一间房就是一户人家，更有厢房用三夹板一隔，就住进去两户人家个。一到夏天，七八平方米个房间里满满当当侪是人，看看就热煞人，更何况有电风扇个人家也少之又少，更覅讲空调了，大多数人压根呒没听说过。

　　石库门房子外观漂亮，厢房、客堂相当规整，阳台也蛮有情调，但转角个亭子间不仅房间小，而且朝向非北即西，一到天热，畀火辣辣个太阳晒一整天，太阳落山以后摸摸台子烫手、摸摸床板还是烫手……简直就是一个“烤箱”。因此，傍晚时分，家家侪要用冷水擦桌椅、席子、地板……希望靠水个蒸发带走暑热，为夜晚增添一点凉意。

　　石库门里弄也分老和新，划分标准是有无卫生设施，当时就算是新式石库门，卫生设施也是几家人家合用。一到夏天，洗澡是一大难题。太阳还没有落山，小囡就被抱到弄堂里，放进澡盆，洗澡顺带玩水。其他人依次烧好热水，一家人见缝插针轮流到房间里洗。洗前端热水洗后倒脏水，楼上楼下一趟趟跑，刚洗完澡又是一身汗，只好自我安慰“已经汏过浴了”。

　　有男同胞图省事，直接立辣天井角落里，拎一桶水朝身浪向冲，再用毛巾揩干就搞定了。搞笑个是，一边揩一边还能和灶披间烧饭个人“茄山河”，这种“奇观”现在基本浪看勿到了。

　　石库门楼里只要屋内有人，房门一定是不关个，就为了享受那一丝或许有个穿堂风。房门口齐眼高处用小花布遮一遮，保护一丝丝隐私。条件好一眼个人家会用木条搭一个框，当中蒙一块花布，算是“豪华版”门挡。勿过“豪华版”门挡虽然好看，但开门时一定要注意门外情况，否则不经意向外一推，可能会听到“哐啷啷、阿呦哇”个“交响曲”，人摔了，菜翻了……酿成一场悲剧。

　　一般到下午四点钟以后，就有人把洗澡水倒在弄堂个水泥地上降温，由此拉开弄堂乘风凉个序幕。一歇歇，各种躺椅、板凳、折叠床陆陆续续被拿出来，抢占中意个地盘。屋小人多又比较放得开个家庭，直接就把小台子摆到弄堂里，一家人围坐吃夜饭，一边吃一边还可以同熟人打招呼、聊天。更有一些喜欢轧闹猛个朋友，端着一碗饭，从东家串到西家，从弄堂一头吃到另一头，这家坐坐伊家蹭蹭，好不热闹。

　　夜饭吃好，饭桌改牌桌，躺椅并排排好，乘风凉大戏正式开演。被酷暑折磨了一天，人们乘着晚凉，歇一歇，喘口气。可以讲，乘风凉是石库门夏夜个一道风景线。

　　说起来，石库门乘风凉还有一点联欢会个特质：有人气，有铺垫，有高潮，有余韵，还有一些美丽个意外。有人甩开膀子大打“大怪路子”；有人慢条斯理下象棋；还有小朋友四人一组大战飞行棋；更有端着收音机听单田芳说评书个“独立大队”；但绝大多数乘风凉群众还是望着星空，轻声说笑……反正青菜萝卜各取所好，有团体活动个热闹，也有独自一人天马行空个惬意。记得当时街道里还会不定时安排人来给小朋友讲故事，在小朋友心中就仿佛是过节，大家早早在约定地点用凳子排队抢位。当夜幕降临星光闪烁时，故事正式开场，《一双绣花鞋》《海底两万里》……都是乘风凉个意外收获。后来有了弄堂电视机，大家都被这个小黑盒吸引。十二寸的黑白电视机前里三层外三层挤满了人，前面人坐小板凳，后面人坐大方凳，再往后只好站着看，最后一排个索性站到凳子上……人挤人，人挨人，电视节目好看，可也缺少了乘风凉最初追求凉快个本意。

　　夜渐深，凉风徐徐，小囡多半辣折叠床上睏着了，家长摇蒲扇赶蚊子，半梦半醒；听半导体个老人呼噜声和评书声齐鸣；“大怪路子”队一半被扒了衣服，一半脸上贴了纸条……乘风凉到了余韵环绕阶段，千万不要以为此时已是心静自然凉了，大声谈笑改成了窃窃私语，许多对弄堂恋人个故事都是这样起头个。

　　乘风凉本身是快乐个。一天个酷暑、疲劳、紧张、窘迫，到了夜里，竟然像天上云彩般消散，人们变得轻松起来，而这一切都依赖一个平台——弄堂里乘风凉。

　　苦夏，漫长，愁闷；乐夏，短暂，惬意。