坐差头，蛮少“茄三胡”。上个礼拜路堵，碰到一个的哥爷叔，聊得老开心。

　　爷叔60岁不到，黑手套，白毛巾，外头阴天，还戴了副墨镜。茶水摆在瓶子里，花茶，加点西洋参。“枸杞不摆的，血压高！”我喊伊“爷叔”，伊蛮开心。

　　车子里放音乐，怀旧金曲。爷叔不听交通台，“一天到夜，做也做交通，听也听交通，头涨死了。听听邓丽君、周华健，蛮好！”

　　车子开得稳。爷叔讲，老早路子野。当年从五角场开到延安路，没高架的，开了17分钟。“开车子嘛，撞一趟，胆子小一趟，车子越开越慢。”讲讲慢，实际上也不慢。该加速时，爷叔油门踏得蛮重的。

　　爷叔欢喜吃老酒，每天收工后吃。伊讲，早上6点钟出车，夜里11点肯定回去。“有辰光到夜里10点半，馋唾水就汤汤滴了。回到屋里，老太婆困觉了，儿子等我。小鬼头30岁，帮我一样，每天要吃点。天热，吃点啤酒。天冷，吃点黄酒。屋里厢还有2瓶剑南春，过年吃。”

　　下酒菜不需要什么。爷叔讲自家“半块豆腐干就够了”。“有辰光老太婆会留碗油面筋塞肉，有辰光儿子会买点烧烤……”不出车的那天，爷叔中午喝一瓶黄酒，晚上一瓶黄酒。晚上吃好老酒看电视，“适意！”

　　爷叔讲得开心，告诉我伊最喜欢“看美女”。车子堵着，伊会问：“侬看迭个小姑娘哪能？”实际上，伊讲的“小姑娘”，大概已经40几岁了。爷叔掉了句书袋：“爱美之心，人皆有之嘛。”爷叔讲：“活到这个岁数，我还能有啥想法？看看，欣赏欣赏！实际上老太婆对我可以的，起码不会每个月要我赚8000块……”

　　不能讲股票，一讲到股票，爷叔全是伤心。“XXXX，我16块买了3万股，3万股啊，现在只有5块多。现在我也不去想伊了，大勿了迭眼股票留拨儿子。”

　　车子堵了1个多小时。下车时，爷叔拉好卡，老潇洒地甩过来一张5块头。我推还给伊，爷叔笑笑：“缘分，缘分！”