七搞八搞，乱搞乱缠个意思。七荤八素，上海人以此形容头昏脑涨、稀里糊涂。上海闲话里以七与八搭配有交交关关个形容词。七讲八讲，乱说一通。七曲八绕，弯弯绕绕。七张八嘴，人多言杂。七手八脚，人多手杂。七歪八牵，勿正勿齐。七高八低，勿平勿坦。七挢八裂，或勿平整或勿团结。七颠八倒，呒没条理；勿求齐整。七老八十，年岁高、人亦老。七停八当，安排妥善。上海闲话还是够丰富多彩个。新上海人要听懂会讲上海闲话，呒没走进上海人个生活是通勿过上海闲话托福个。有点难度个。

　　上海闲话现在是解放了。上海滩上个公交车有交关线路已经用上海闲话来通报站名了。车子上讲个上海闲话可以算是上海人讲个“官话”，与平常老百姓讲个还不一样。像七歪八牵、七挢八裂搿样子个上海闲话只有辣马路浪、弄堂里、小菜场上才听得到。上海个小囡、小小囡因为早几年辣学堂里勿允许讲上海闲话，听讲上海闲话个能力也有明显下降了。大家来补课。乡音难得。家乡闲话也听勿懂、讲勿来，坍台。