北方人经常笑话上海人“黄王”不分。其实伊拉呒没注意到，上海闲话里真正混淆得一体世界个，勿是“Wang”是“Wu”。

　　侬问人家姓啥：“侬尊姓？”对方要是姓“Wu”,讲起来就势必复杂：“免贵，姓吴，口天吴”“姓胡，古月胡”“姓伍，队伍个伍”“姓武，武装个武”“姓和，和平个和”“姓户，户口个户”，比较生僻个姓还有：“午”“毋”“扶”“戊”，甚至有点难以表达个“扈”等，一律读“Wu个平声”，忒些姓起码跟“Wu”多少还有点得介，但像“人可何”“祝贺个贺”“师傅个傅”，勒拉普通话里更本跟“Wu”丝毫勿得介，上海闲话里也统统称作“Wu”!实在有点稀里糊涂。

　　上海闲话里读着“Wu平声”个，还有“父亲个父”“符号个符”“豆腐个腐”“妇女的妇”“水壶个壶”“芙蓉的芙”“误会的误”“护士个护”“抚摸个抚”，及沪、芜、雾、务、糊、狐、弧、葫、蝴等等勿一而足。

　　另外，讲到一些特别个地名也会有点麻烦，比如侬讲“我是湖南人”，上海人非得再要问清爽：“是湖浜个湖，还是黄河个河呀？”上海人“湖、河”也不分。自然“湖北、河北”同样听不清。现在上海外地人介多，分不清实在讨厌。