甲:朋友，看侬拿了体检报告兴冲冲个样子，大概身体状况还不错? 

　　乙:马马虎虎过得去，其他指标基本正常，就是查出来有点胃窦炎。葛末侬呢？ 

　　甲:大同小异，只不过有点胃溃疡。 

　　乙:啊呀！好端端个侬哪能会得胃溃疡？ 

　　甲:侬一惊一乍、大惊小怪啥事体，就一点小毛小病用勿着介紧张。

　　乙:侬老兄太大意了，要晓得，迭个毛病吓坏人，胃溃疡、胃溃疡，胃掼了地浪会烊脱个。 

　　甲:照侬迭能讲，侬个胃窦炎更加危险了。胃窦炎、胃窦炎，说明迭个毛病一点呒没救了，所以医生要回头伊(胃窦炎)了。 

　　乙:喔唷！喔唷！侬派司过来个还要结棍，豪燥打牢。 

　　甲：哈哈!吃勿消了?我只是接了侬个话头打打棚而已。 

　　乙:其实拿对方身体瞎寻开心侪是勿作兴个！今朝是我挑起个，结果是自搬石头自砸脚，应该好好记取教训。